Årets Skjærgårdstreff er nr. 13 i rekkja, og blir arrangert helga 16.-18. juli i Askvoll.
Konseptet har preg av skjergard, med mykje aktivitetar og moro for store og små, på land og på sjø. Vi ønskjer fastbuande og tilreisande velkommen til eit tre dagars arrangement midt i sentrum av Askvoll, eit yrande folkeliv og masse båtar. Den nye sentrumshamna gjer at du som vitjar Askvoll med båt denne helga, kan bu midt i sentrum av arrangementet. Det vert varierte salsbodar, sceneunderhaldning, helikopterturar, flaskepost, bruskassestabling, “by-vandring” i gamle Askvoll, redningsskøyta Utvær og den populære Elias-båten. Askvoll og Holmedal idrettslag lovar mykje moro heile helga.